10 нешта од кои треба да се откажете ако сакате мирен живот


Во модерното општество стресот е секојдневен. Постојано се грижите за работното место, за вашето здравје, за партнерот… Понекогаш е навистина тешко да се справите со толку многу грижи. Поради ова, потребно е да отстраните некои работи од вашиот живот. Овие нешта воопшто не ви се потребни и само ви стојат на патот до посакуваниот мир.

1. Детални планови за иднината
Нема ништо лошо во тоа да имате цели. Впрочем, навистина е паметно да се подготвите за иднината. Но, правењето детален распоред за сè што треба да направите во животот и обидувањето постојано да го следите е невозможно. Никој не може да знае каква ќе биде неговата иднина. Можете да си дозволите да се водите според плановите, но никогаш немојте да очекувате да се исполнат според ваша замисла. Секогаш ќе има нешто неочекувано и најдоброто што можете да го направите е да се ослободите од премногу очекувања и да научите да бидете отпорни.

2. Претпоставката дека знаете сè за одредена личност
Кога се прашувате дали ја знаете или не ја знаете личноста пред вас, најдобро е да го одберете второто. Луѓето имаат многу слоеви и ако верувате дека познавате некого поради нешто што ви кажал или поради социјалните мрежи, многу ќе се разочарате. Секој од нас има чувства што ги крие. Сите имаат мисли што не ги кажуваат. И овие работи нè дефинираат како личност. Па, не можете да тврдите дека навистина познавате некого.

3. Стравот дека нема да бидете најдобри
Секогаш ќе има некој попаметен, поубав, побогат и посмешен од вас. Тоа е факт. Жалењето што не сте најдобри е само залудно трошење време. Не сте овде за да бидете први во сè. Овде сте за да се забавувате и да бидете среќни. Откажете се од замислата за совршеност. Во ред е понекогаш да не ги следите правилата.

4. Гласот во вашата глава што ви вели дека не можете
Сомнежот може навистина да му наштети на вашиот перформанс. Не е лесно да го елиминирате, но можете да го контролирате. Секогаш помислете што би можело да тргне во позитивна насока, наместо во погрешна. Грижете се за менталното здравје како што се грижите и за физичкото. Не заборавајте дека вие имате моќ над вашиот мозок и вашите мисли.

5. Одлуките што сте ги направиле користејќи ги чувствата
Секој има барем еден момент од животот што сака да го промени. Постојат зборови што никогаш не сте сакале да ги изговорите. Секој жали за нешто, а понекогаш ова жалење е поради ненадејните одлуки. Иако е вистина дека не можете да го промените минатото, можете да бидете повнимателни со вашите постапки во иднина.

6. Некој што ја прави љубовта комплицирана
Ако партнерот ја прави врската навистина тешка, време е за крај. Сигурно имате безброј други работи за правење наместо да се грижите за некој друг. Љубовта што вреди нема да ве тера да се грижите. Не прифаќајте изговори од никој што не ви враќа со љубов. Подобро е да бидете сами отколку со некој кој постојано ви предизвикува главоболка.

7. Градот што мислевте дека го сакате
Вашите интереси ќе се менуваат со текот на времето. Нешто што ви е опсесија денес може воопшто да не ве интересира за неколку месеци. Напуштање на местото во кое имате многу сеќавања е навистина болно. Тешко е да ги спакувате торбите и да заминете од градот што ве променил. Но светот е премногу голем за да не го истражите. Премногу е рано за да се смирите. Искористете го овој период од животот додека имате енергија за да ја најдете заедницата што можете да ја наречете дом.

8. Вашата желба за постојаност
Ќе се поштедите од многу кршења на срцето ако верувате дека ништо во овој свет не е сигурно. Можно е да изгубите сè за една секунда. Личноста што многу ви се допаѓа може да го промени мислењето за вас. Утрешниот ден ќе биде поразличен на некој начин. Па, не ги потценувајте нештата што ги имате денес.

9. Луѓето што не го почитуваат вашиот личен простор
Не е лошо да поставите граници. Нема потреба да споделувате чувствителни информации само затоа што некој е добар кон вас. Ако луѓето не можат да го почитуваат просторот што одвреме-навреме ви е потребен, тогаш веројатно не вреди да инвестирате време во нив. Секој заслужува време за себе. Секој стигнува до момент кога сака да се повлече. Нема потреба постојано да објаснувате зошто одеднаш сте заминале некаде.

10. Нештата што повеќе не ви се од корист
Навистина е тешко да се збогувате со сеќавањата што ве исполнувале со радост. Но, нема да можете да продолжите напред ако му дозволувате на минатото да ве држи. Животот е постојано движење. Понекогаш ви помага да стигнете негде, а некогаш ве насочува кон неочекувани места. Многу често немате избор. Потребно е да бидете храбри и да ги заборавите нештата што не ви се потребни. Бидете подготвени за нови почетоци и оставете ги неважните нешта зад вас.


Ви се допаѓа? Сподели со твоите пријатели!

Choose A Format
Personality quiz
Series of questions that intends to reveal something about the personality
Trivia quiz
Series of questions with right and wrong answers that intends to check knowledge
Poll
Voting to make decisions or determine opinions
Story
Formatted Text with Embeds and Visuals
List
The Classic Internet Listicles
Countdown
The Classic Internet Countdowns
Open List
Submit your own item and vote up for the best submission
Ranked List
Upvote or downvote to decide the best list item
Meme
Upload your own images to make custom memes
Video
Youtube, Vimeo or Vine Embeds
Audio
Soundcloud or Mixcloud Embeds
Image
Photo or GIF
Gif
GIF format