Нов скандал ја разбранува хрватската јавност откако излезе на виделина случај на драстично преценета такси услуга во Сплит. Турист станал жртва на безобѕирна наплата кога за релација од само пет километри морал да плати дури 209 евра.
Според информациите објавени од порталот Далматински, патникот го зел таксито од пристаништето со намера да стигне до сплитскиот театар. Иако возењето се случило во 19:52 часот, што значи дека не била во прашање ноќна тарифа, сепак му била пресметана астрономска сума.
Продолжува хаосот со такси услугите
И покрај тоа што туристичката сезона во Хрватска е при крај, очигледно некои таксисти продолжуваат со праксата на прекумерно наплаќање на странските туристи. Асоцијацијата на превозници се покажува немоќна да воведе ред во оваа хаотична ситуација, што дополнително го нарушува угледот на туристичката понуда во земјата.