Годините си го прават своето – по 30-тата година од животот, секој маж се соочува со постепено намалување на тестостеронот од 1-2% годишно. За разлика од жените кои доживуваат нагло опаѓање на естрогенот за време на менопаузата, кај мажите овој процес е побавен но константен.
Зошто опаѓа тестостеронот?
Статистиките покажуваат дека над една третина од мажите постари од 45 години имаат намалено ниво на овој важен хормон. Причините се разновидни – од природно стареење до медицински состојби.
Медицинските фактори вклучуваат проблеми со хипоталамусот, хипофизата и тестисите, изложеност на зрачење, тумори и инфекции. Одредени лекови исто така може да влијаат – кортикостероиди, морфин, халоперидол и некои лекови за висок притисок.
Животен стил и тестостерон
Начинот на живот игра голема улога. Прекумерната телесна тежина (30% над идеалната) директно влијае на намалување на тестостеронот. Исто така, и физичката неактивност или претераното вежбање може да бидат проблематични, како и редовната консумација на алкохол.
Препознајте ги симптомите
Главни показатели на низок тестостерон се:
- Забавен раст на брада
- Губење на мускулна маса
- Намалено либидо и потенцијални проблеми со плодност
- Зголемување на градите
- Проблеми со концентрација и појава на депресија
- Зголемен ризик од фрактури
Внимателно со терапијата
Важно е да се нагласи дека самолечењето со тестостерон може да биде опасно. Високите нивоа може да предизвикаат сериозни здравствени проблеми – од рак на простата до срцеви заболувања и нарушувања на црниот дроб.