Нутриционистот Тоби Кинг открива дека одредени намирници можат сериозно да влијаат врз квалитетот на вашиот сон, особено ако ги консумирате во доцните вечерни часови. Доколку вообичаено легнувате на спиење меѓу 21 и 23 часот, следните намирници треба да ги избегнувате.
Проблематични намирници пред спиење
Кромид: Иако изгледа безопасно, може да предизвика рефлукс и горушица кога ќе легнете. Неговите влакна исто така може да доведат до надуеност.
Протеински шејкови: Иако се корисни за мускулната обнова, можат да го забрзаат метаболизмот и да го отежнат заспивањето.
Ферментирана храна: Киселата зелка и кимчи, и покрај нивните здравствени придобивки, можат да предизвикаат дигестивни проблеми навечер.
Одредени видови сирење: Пармезан, бри и гауда содржат тирамин кој го стимулира хормонот што нѐ држи будни.
Црно чоколадо: Содржи теобромин, природен стимуланс кој може да ја зголеми телесната температура.
Препорачани алтернативи за подобар сон
Експертите препорачуваат:
- Сложени јаглехидрати: Интегрален леб или овесна каша
- Мисиркино месо: Богато со триптофан
- Мрсна риба: Извор на омега-3 масти
- Јаткасти плодови: Особено ф’стаци
- Банани: Богати со калиум
- Топло млеко: Помага во релаксација
- Чаеви: Камилица или нане