Македонската кинематографија бележи историски момент со првиот долгометражен анимиран филм „Јон Вардар против галаксијата”, кој започнува со прикажување од 1 ноември во киносалите Синеплекс и Киноверзум, а наскоро ќе биде достапен и во другите градови низ земјата.
За филмот
Филмот раскажува хумористична приказна за необичен трио – натпросечно потпросечен човек, нарцисоиден робот и група вонземјани кои се обидуваат да ја спасат галаксијата од самите себе.
Креативен тим
Зад овој амбициозен проект стои талентиран тим предводен од:
- Режисер: Гоце Цветановски
- Арт директор: Михајло Димитриевски – Тхе Мичо
- Директор на анимација: Димитар Ѓоргиев
- Продуценти: Алан Кастиљо, Ева Конрад, Браќа Калинови и Ладо Шкорин
Актерска екипа
Главните улоги ги толкуваат Жарко Димоски, Дамјан Цветановски и Емилија Мицевска. Во споредните улоги настапуваат Филип Трајковиќ, Тони Денковски, Атанас Атанасовски, Слаѓана Вујошевиќ, Мартин Ѓоргоски, Елена Тарчуговска и Бојана Тосковска.
Меѓународна соработка
Како најголем анимациски копродукциски проект на Балканот, филмот е реализиран со поддршка од Агенцијата за филм на Северна Македонија и копродуценти од Унгарија, Бугарија и Хрватска. Веќе има меѓународни прикажувања на фестивалите Ситџес (Шпанија), Киненова (Македонија) и Мостра Сао Паоло (Бразил).